ZER IKUSI DONOSTIAN
Utzi Donostiaren espirituari eusten!
Donostia
Batik bat merkataritzan eta turismoan oinarritzen den ekonomia duen hiria da Donostia, Gipuzkoako hiriburua.
Kontxako badia moduko paisaiek eta kutsu frantseseko arkitektura modernoak nazioartean bultzatu dute bertako turismo-jarduera. Donostia nazioarteko ekimenengatik ospetsu bihurtu den Europako hiria da, besteak beste, Zinemaldiarengatik eta musika-jaialdiengatik (Jazzaldiagatik batez ere).
Historia
Donostiaren izena egungo Miramar jauregian zegoen San Sebastian-Donostia monasteriotik dator.
Hiriak hainbat fase izan ditu gotortutako plaza gisa sortu zenetik, eta XVII: mendean lortu zuen hiri-estatusa, Felipe VI. erregearen eskutik. Hainbat arpilatzeren eta ia hiri osoa erre zuen sutearen ondorioz, ia osorik berreraiki behar izan zuten hiria XIX. mendean. Mende horretan zabaldu zuten hira, harresiak eraitsi zituzten eta Gipuzkoako hiriburu bihurtu zen.
Donostia gauez
Donostian hiru aisialdi eremu daude nagusiki, eta bakoitzak bere nortasuna du. Jendetsuenetako bat Alde Zaharra da, sekula atsedenik hartzen ez duen auzoa.
Errege-erregina katolikoen kalea Artzain Onaren katedralaren atzean dago, eta gunerik chicena da, lokal modernoak eta musika-proposamen apurtzaileagoak eskaintzen ditu.
Halaber, Gros auzo gaztea giro lasaiagoak eta intimistagoak gustuko dituzten pertsonentzako tabernak eskaintzen dituen eremua da.
Askotariko pubak aurki ditzakezu han; esaterako, Dioni’s (gayen taberna), Côte (koparik onenez gozatzeko) edo Zibbibo (koktelak eta kopak).
Diskotekak ere badaude, hala nola Bataplan, La Rotonda, Victoria Eugenia, People Disco, Staaf eta Beboop.
Bisitatu Donostiako hondartzak
Donostiako hondartzak dira udako erakargarri nagusietako bat. Hiruek dute nortasun propioa. Kontxa, ezagunena, eta Ondarreta, familiarragoa, dira Kontxako badia osatzen dutenak. Zurriola da hondartzarik gazteena eta surflariena. Santa Klara uharteak ere badu hondartza txiki eta aldendu bat. Ingurumen Kudeaketa Sistema bakarraren barruan daude hondartza horiek guztiak eta bainularientzako zerbitzu guztiak dituzte.
Bisitatu monumentu arkitektonikoak
Arkitektura Donostiako historia bizia da. Eraikin bakoitzak garai bat ordezkatzen du, estilo bat, eta horiek ezagutzea hiriaren kondairaren zati bat ezagutzearen pare da. Donostian Belle Époque garaiko kutsu frantseseko obrak dituzten eraikuntza klasikoak eta estetikarik tradizionalena apurtzen duten eraikin abangoardista eta modernoak uztartzen dira.
Santa Klara uhartea
Hiri gutxiek esan dezakete uharte bat dutela badiaren erdi-erdian eta Donostia da horietako bat.
Bertako hondartza txikiaz goza dezakezu, itsas-argiaren eraikin bereziraino paseo bat eman, jateko mahaik (merenderoak) dituzten bideetatik ibili edo tabernako terrazan kafea hartu. Badiako hondartzetatik gertu dagoenez, igerian joan daiteke urte osoan zehar. Udazkeneko marea biziekin, itsasbeheraren laguntzarekin, batzuek bertaraino oinez iristea ere lortu izan dute. Uhartetik, gainera, hiriaren ikuspegi ezin hobea dago.
Ibilbide gastronomikoak
Surfa!
Surfa Donostiako protagonista handietako bat da. Mundu osoko milaka surflari etortzen dira Donostiako Zurriola hondartzara bertako olatuez gozatzera.
Hain zuzen ere, horregatik, tokiko, Estatuko eta nazioarteko txapelketa ugari egiten dira Donostian urte osoan zehar, batez ere udaberrian eta udazkenean. Hilabete horietan zehar, erraza da Zurriola eta inguruak, esaterako Sagueseko eremua, Australiako edo Kaliforniako edozein hiri surflarirekin nahastea.
Donostia oso kontzientziatuta dago garapen jasangarriarekin eta kirol horren bilakaera eta hedapenarekin.
Surf City Donostia Klusterrean biltzen dira arlo horretako eragileak, eta surfaren jarraipena bermatzeko eta sektore orekatua, berritzailea eta lehiakorra lortzeko bilakaera izateko lankidetzan aritzen dira.
Baina ez dira hiriko olatuak mundu osoan ezagunak diren bakarrak… Izan ere, bertako surflariak eredugarri bihurtu dira kirol horrekin lotuta.
Bisita ezazu Aquariuma
Mende bat izan arren, inoiz baino gazteago dago Donostiako Aquariuma. Duela gutxi berritu dute eta Europako museo ozeanografikorik modernoenetako bat da.
Marrazo eta manta-arrai handiez inguratutako ur gainean eraikitako 360 graduko tunel akrilikoa gurutzatzea edo akuario ukigarrian bizirik dauden arrainak ukitzea dira museo honek eskaintzen dizkigun aukera dibertigarrietako batzuk.
Done Jakue bidea. Geldialdia Donostian
Turismo aktiboa eta mendi-ibilaldiak egitea maite dutenentzat haien zaletasunaz gozatzeko aukera ezin hobea da Donostiatik igarotzen den Done Jakue bidea, oinezkoentzako eta mendiko bizikletentzako ibilbide egokia eskaintzen baitu.
Kostaldeko Done Jakue Bideak aldez alde gurutzatzen du Donostia, Uliako itsaslabarren bista izugarrietatik hasi eta Kontxako badiatik hiria zeharkatuz. Erromesaldi historikoak hainbat aztarna ditu hirian, hala nola santuaren tailak San Vicente elizan eta Santa Maria basilikan, Alde Zaharrean, edo Santiago eliza txikia, Amara auzoan. Tradizio horren lekuko dira horiek.
Gozatu Donostiako lorategiez
Donostiak hiriko berdegune asko ditu, erraz hel daiteke horietara eta edertasun handia dute Bertako parkeak eta lorategiak hiriaren birika berdeak eta jasangarritasunaren isla dira.
